هذا مكانه يا بحـر واعرفـه زيـن؟رغم البطا كنه هنـا مـن ثوانـي!!
كنا هنـا قبـل نتفـارق بعاميـن..بل المطر يجتـاح وجـه المبانـي..
وينه غلاتي,,يابحر وينـه الحيـن!!!مرك,,لمحته,,مانشد عـن حنانـي؟!
بالله قول انه هنـا قبـل يوميـن,, ودي احـس انـه هنـا مانسانـي..
حتى الكراسي تسألك يابحـر ويـن!!من غيبته حتى الكراسـي تعانـي..
كنا هنـا قـدام وجهـك محييـن.. نرسم على سطحك كثيـر الامانـي..
شف يابحر كنا على جالـك اثنيـن..واليوم ماغيـر الدمـع والموانـي..
دونه اشوف الزين بناظري شيـن.."وبأسمه ..انادي واحد من اخوانـي"
وين السعاده ناسيتني مـن سنيـن؟؟مدري بعد هو مثل السعاده نسانـي؟!
آآآهـيابحر الدمع في محجر العين,,ماقدر على ذكـراه هـزت كيانـي..
ماقول يسوى في عيونـي ملاييـن..يسوى عيوني وما غلا في زمانـي..
هو القمر في الارض يمشي برجلين..مافيه مثله يابحر شخـص ثانـي..
شف يابحر ماهزني غيـر ثنتيـن..فرقاه.. وميسم هالزمـن لاكوانـي..
لكن امانـه يابحـر احفـظ الديـن..لاجاك ثير الموج لهفـه عشانـي,,
قله غيابك عن حبيبـك سكاكيـن..ماهو حرام الذبح بإنسـان فانـي!!
دايم يحن لموعـدك يعرفـه زيـن..ودي بشوفه يابحر لـو ثوانـي....!!
موضوع: هـذا مكانة يابحــر وأعرفة زين 
4/9/2008, 20:19
